Այն պահից սկսած, երբ լքում ես երկիրը, գումարդ վտանգվում է։ Կլինի դա կանխիկ, թե բանկային քարտ։
Մի քանի կետեր առավել պաշտպանված լինելու և քարտերն առավել շահավետ օգտագործելու մասին և թե ինչպես «բարեկամանալ» բանկոմատի հետ։
- Շատ քանակությամբ քարտեր մի տար քեզ հետ ճամփորդելիս։ Բայց գոնե 2 հատ ունեցիր և պահիր տարբեր տեղերում; Եթե մեկը կորի կամ գողանան, գոնե մյուսից կկարողանաս օգտվել։ Ամեն օրվա վերջում ստուգիր քարտիդ վրայի հաշիվը։
- Իդեալական կլինի օգտվել այն բանկոմատներից, որոնք բանկերի կողքն են դրված։ Աշխատիր օգտվել այդ բանկոմատներից հենց բանկի աշխատանքային ժամերին․ եթե որևէ խնդիր ծագի կկարողանաս բանկի հետ պարզել։
- Օգտվելիս քարտդ կուլ գնաց? Մի շտապիր լքել տարածքը։ Աշխարհում հայտնի է «Լիբանանյան հանգույց» անունով մի հնարք, որի միջոցով գողերը տանում են քարտերը։ Ավելի մանրամասն կխոսեմ դրա մասին հաջորդ գրառումներում։ Փորձիր մատով ստուգել այրդյոք քարտը կիսով չափ ներսում չի մնացել և փորձիր ետ քաշել։
- Եթե նույնիսկ կողքիդ ոչ մեկ չկա կանգնած, ամեն դեպքում ձեռքով փակիր ստեղնաշարը PIN-դ հավաքելու ժամանակ։
- Մի թույլ տուր, որ «բարի» մարդիկ օգնեն քեզ բանկոմատից օգտվելիս։
- Միշտ ուշադիր եղիր կողքերդ զզնելիս։ Գողերը հիմնականում 2 հոգով են լինում, մեկը ձեր ուշադրությունը կշեղի մյուսը ձեր գումարը կտանի։ Եթե կասկածելի ինչ-որ բան զգացիք, ապա մի օգտվեք տվյալ բանկոմատի։
Ու շատ կարևոր է գիտակցել, որ այս ամենը յուրաքանչուրիս հետ կարող է պատահել։ Նույնիսկ նրանց, ովքեր կարծում են «հաստատ իրենց հետ չի լինի»
Անվտանգ ճամփորդություն բոլորիդ։
